ဘယာကြော်

Chaw Su's Food Friends

Chaw Su's Food Friends

ဘယာကြော်

***... ဘယာကြော် အတွက် လိုအပ်တာလေးတွေ

1. ကုလားပဲ – 1 cup (250 ml)
2. ဂျင်း – လက်မ တစ်ဆစ် အရွယ်ခန့်
3. ကြက်သွန်ဖြူ အတက်ကြီး – ၂ တက်
4. ငရုတ်သီးစိမ်း – ၄ တောင့်
5. ပါးပါးသေးသေး အတုံးလေးများလှီးထားသော ကြက်သွန်နီ – ထမင်းစားဇွန်း ၅ ဇွန်းခန့်
6. ခပ်ကြမ်းကြမ်းလှီးထားသော ပျဉ်းတော်သိမ်ရွက် (curry leave) – ၂ ခက် (လှီးပြီးနောက် ထမင်းစားဇွန်း ၂ ဇွန်းခန့်)
7. ခပ်ကြမ်းကြမ်းလှီးထားသော နံနံပင် (သို့) ပူစီနံ – ထမင်းစားဇွန်း ၂ ဇွန်းခန့်
8. ကုလားပဲ အစိမ်းမှုန့် – ထမင်းစားဇွန်း ၂ ဇွန်း
9. ဆန်အစိမ်းမှုန့် – ထမင်းစားဇွန်း ၂ ဇွန်း
10. chicken powder – လက်ဖက်ရည်ဇွန်း ၁ ဇွန်း
11. ဆား – လက်ဖက်ရည်ဇွန်း တစ်ဝက်
12. မဆလာ – လက်ဖက်ရည်ဇွန်း ၁ ဇွန်း
13. hing – လက်ဖက်ရည်ဇွန်း ၃ ပုံ ၁ ပုံခန့် (ထည့်နိူင်ရင် ပိုမွှေးပြီး အစာကြေလွယ်ပေမယ့် မထည့်လည်းရပါတယ်)

အနည်းဆုံး ၆ နာရီခန့်ရေစိမ် ထားသော ကုလားပဲကို တတ်နိူင်သမျှ ရေကုန်အောင် စစ်ထားပါ။ (ရေကျန်များပါက ကြော်ရန်အတွက် ပုံသွင်းသောအခါ အဆင်မပြေ ဖြစ်တတ် ပါတယ်။)

ဂျင်း၊ ကြက်သွန်ဖြူ နှင့် ငရုတ်သီးကို အတော်လေး ကြေသွားအောင် ကြိတ်ပေးပါ။

ပြီးလျှင် ရေစ်ိမ်ပြီး၊ ရေစစ်ထားသော ကုလားပဲထည့်ကာ အရမ်းကြေညက်သွားအောင် မကြိတ်ပဲ စလုံးစခုလေးများ ကျန်အောင် ကြိတ်ပေးပါ။

ထို့နောက် ပါဝင်ပစ္စည်းများအားလုံး ဇလုံတစ်လုံးထဲ ထည့်ကာ နှံ့သွားအောင် ရောနယ်ပေးပါ။

ပြီးနောက် ထမင်းစားဇွန်း ၁ ဇွန်းခန့်စီယူပြီး ဘယာကြော်ပုံလေးများလုပ်ကာ medium heat ဖြင့် အပူပေးထားသော ဆီပူထဲ ထည့်ကြော်ပါ။ (မီးအပူရှိန် ပြင်းပြင်း high heat ဖြင့် မကြော်ရပါ။)

အိုးမကြပ်အောင်ထည့်ကာ နှစ်ဖက်လုံး ရွှေဝါရောင်ဖြစ်လာအောင် ဟိုဖက်ဒီဖက်လှန်ပြီး ကြော်ပေးပါ။

ကြော်ပြီးနောက် paper towel ပေါ်တင်၍ ဆီစစ်ကာ ကြွပ်ရွမွှေးပျံ့နေသော ဘယာကြော်လေးကို နည်းမျိုးစုံဖြင့် အရသာရှိစွာ သုံးဆောင်နိူင်ပါပြီ။