HIGH BLOOD PRESSURE (HYPERTENSION) သွေးတိုးခြင်း။

Standard

High Blood Pressure (Hypertension) သွေးတိုးခြင်း။

မြန်မာနိုင်ငံမှာ High Blood လို့လူပြောများကြပါတယ်။ နိုင်ငံခြားမှာတော့ Hypertension လို့အသုံးများတဲ့ သွေးတိုးရောဂါဟာ အသံတိတ် လူကိုဒုက္ခပေးတဲ့ ရောဂါလို့ပြောကြပါတယ်။ သွေးလွတ်ကြောထဲက ဖိအားကို တိုင်းတာပြောဆိုတာပါ။

သွေးဖိအားကိုတိုင်းလိုက်လို့ အမြဲတန်း ၁၄၀/၉၀ သို့မဟုတ် ဒီ့အထက် ဖြစ်နေရင် သွေးတိုးနေပြီလို့ဆိုနိုင်ပါတယ်။ ဒီအချိန်မှာ ဂရုမမူပဲ ဖြစ်သလိုနေရင် နှလုံးရောဂါ၊ လေဖြတ်ခြင်း၊ ကျောက်ကပ်လုပ်ဆောင်ချက်များနှင့် ဦးနှောက်နှင့် မျက်စိတို့ကို ဆိုးကျိုးများ ဖြစ်ပေါ်စေနိုင်သည်။

သွေးတိုးခြင်းဖြစ်စေနိုင်သော ယေဘူယျ အကြောင်းရင်းများကတော့-

(၁) အဝလွန်ခြင်း၊

(၂) Life Style လို့ခေါ်တဲ့ ပြုမူနေထိုင်ပုံ။

(၃) မျိုးရိုးဗီဇ အကြောင်းအရင်း။

(၄) အရက် အလွန်အကြွံသောက်ခြင်း။

(၅) သားဆက်ခြားဆေးများ သုံးစွဲခြင်း။

(၆) အကိုက်ခဲ ပျောက်ဆေးများ အလွန်အမင်းသုံးစွဲခြင်းတို့ကြောင့် ဖြစ်ကြပါတယ်။

သွေးတိုးရောဂါကို အလွယ်တကူ နေ့စဉ်ချက်ပြုတ်ရာမှာ အသုံးပြုတဲ့ ဟင်းသီးဟင်းရွက်တွေနဲ့ ထိန်းချုပ်နိုင်ပါတယ်။

(၁) Celery လို့ခေါ်တဲ့ တရုတ်နံနံပင် ကိုသုံးနိုင်ပါတယ်။ သူ့မှာ 3-N-Butylphthalide လို့ခေါ်တဲ့ ဖိုတိုကယ်မီကယ် တမျိုးမြောက်မြားစွာ ပါဝင်တဲ့အတွက် သွေးတိုးရောဂါကို ထိန်းညှိပေးနိုင်ပါတယ်။ အဆာပြေ မုန့်သရေစာ စားမဲ့အစား တရုတ်နံနံရဲ့ ရွက်ညှာတံ အနီးငယ်ကို ဝါးစားပေးခြင်းဖြင့် ရောဂါအတွက် အကျိုးရှိပါတယ်။

(၂) မီးဖိုချောင်မှာ နေ့စဉ်ချက်ပြုတ်စဉ် အသုံးပြုတဲ့ မုန်လာဥနီနဲ့ ပင်စိမ်းပင်တို့ကလဲ သွေးတိုးရောဂါအတွက် အသုံးဝင်ပါတယ်။ (ပင်စိမ်းရွက်အကြောင်းကတော့ ကျနော့်ရဲ့ ပို့စ်အဟောင်းတွေမှာ ရှိပါတယ်) ကြိတ်စက်ရှိရင်တော့ ပိုအဆင်ပြေနိုင်ပါတယ်။ ဒီနှစ်ခုကိုရောကြိတ်ပြီး အရည် (Juice)လုပ် တနေ့ကို ၂ကြိမ် ၁ဖန်ခွက်စီ သောက်နိုင်ရင် သွေးတိုးရောဂါကို ကောင်းကောင်းထိန်းနိုင်ပါပြီ။ ခနခနလုပ်ရမှာ အလုပ်ရှုပ်ရင် အရည်လုပ်ပြီး ရေခဲသေတ္တာထဲမှာ ၂ရက် ၃ရက်လောက်သိမ်းထားနိုင်ပါတယ်။

(၃) အခုခေတ်ကြီးမှာ မြို့နေလူတွေများတော့ အခုပြောမဲ့အသီးကို သိသူနည်းမယ်ထင်ပါတယ်။ သိတဲ့သူတွေကလဲ တခါစားပြီး တသက်အရာသာ မမေ့နိုင်တဲ့အသီးပါ။ အထူးသဖြင့်တော့ အဲဒီ့အသီးစားပြီး ရေသောက်တဲ့ အရသာပေါ့။ Gooseberry လို့ခေါ်တဲ့ ဆီးဖြူသီးပါ။ ဝယ်လို့လွယ်မယ်ထင်ပါတယ်။ သူ့ကိုလဲ အပေါ်မှာပြောခဲ့သလိုနည်းပဲဖြစ်ဖြစ် အခြားနည်းပဲဖြစ်ဖြစ်အရည်ကိုယူပါ။ အရည်စားပွဲတင်ဇွန်း ၁ဇွန်းကို ပျားရည်နဲ့ ဆတူရောပြီး မနက်စာ(Breakfast) မစားခင်မှာ နေ့စဉ်မပျက်မကွက်သောက်ပေးခြင်းဖြင့် သွေးတိုးရောဂါကို စိတ်ပူစရာ မလိုတော့တာကို တွေ့ရပါမယ်။

(၄) အာလူးထဲမှာ ပါဝင်တဲ့ မက်ဂနီဆီယမ်နဲ့ ပိုတက်ဆီယမ်ဓါတ်တွေကြောင့် သွေးတိုးတာကို လျှော့ချပေးနိုင်ပါတယ်။ အာလူးကို ပြုတ်ပြီး စားပါ။

(၅) ရှောက်သီးခါးမျိုးတခုဖြစ်တဲ့ Grapefruit ဟာလဲသွေးကြောတွေကို အားကောင်းစေတဲ့အတွက် သွေးတိုးရောဂါကို ကာကွယ်ပေးနိုင်ပါတယ်။

(၆) အစာစားတိုင်းမှာ ကြက်သွန်ဖြူ ၁စိတ် ၂စိတ်ခန့်ကို ပုံမှန်ထဲ့ စားသုံးပေးခြင်းဖြင့် သွေးတိုးရောဂါကို ကာကွယ်နိုင်သည်။

(၇) ဖရဲသီးစေ့ဟာလည်း ဒီရောဂါကို ကာကွယ်နိုင်တယ်ဆိုတာ မေ့ထားလို့မရပါဖူး။ ဖရဲသီးစေ့လေးတွေကို အရင်ဆုံးလှော်ပြီး ကြိတ်လိုက်ပါ။ ပြီးရင်ရေ၂ခွက်ခန့် ထဲ့၍ကြိုပါ။ အအေးခံပြီးရေကို ရေစစ်နဲ့စစ်ယူပြီးတော့ ဗူးလေးတွေထဲမှာထဲ့ထားပြီး မနက်နှင့် ညနေမှာ တကြိမ်စီနေ့စဉ်သောက်ပါ။ ဖရဲသီးစေ့အသုံးဝင်ပုံကို သိပြီဆိုတော့ နောက်ကို ဖရဲသီးစားပြီးတိုင်း အစေ့လေးတွေကို စုပြီးဆောင်ထားပေါ့နော်။

(၈) ချင်း(ဂျင်း)အရည် စားပွဲတင်ဇွန်း ၁ဇွန်း၊ ပျားရည်၊ ဇီယာအမှုန့် ဆတူတို့ကို သေချာသမအောင်မွှေပါ။ တနေ့ ၂ကြိမ် စားသုံးခြင်းဖြင့် သွေးတိုးရောဂါအတွက် အကောင်းဆုံးဆေးတလက်ဖြစ်ကြောင်း ပြန်လည်ဝေငှ လိုက်ရပါတယ် ခင်ဗျား။

တန်ဖိုးလဲနည်း အလွယ်တကူလဲရနိုင်သော အသီးအရွက်များကို အသုံးပြု၍ သွေးတိုးရောဂါကို ထိန်းချုပ်နိုင်ကြပါစေခင်ဗျား။ ဖတ်ထားသမျှကို အဆင်ပြေအောင် ဘာသာပြန်ထားခြင်းဖြစ်ပါတယ်။

ကိုးကား- အင်တာနက်

ဝင်းလှိုင်ဦး

ဖတ်မိသမျှ ကျန်းမာရေး ဗဟုသုတ